Better You KB Þrautin 2023

NÝTT! Við vorum að bæta við fleiri ráshópum í almenna flokkinn – nánar um það hér að neðan.

Þriðja árið í röð bjóðum við upp á KB þrautina, líklega langskemmtilegasta þrautahlaup landsins. Þrautin verður haldin í Mosfellsbæ, laugardaginn 20. maí.

Við byrjum að ræsa klukkan 9.30 um morguninn (keppnisflokkur), síðasti rástími er klukkan 13.30. Forskráning í Better You KB þrautina fór af stað fyrir áramót og nú þegar er nánast fullt í 9 ráshópa af 14 í almenna flokknum. Flestir þeirra sem eru forskráðir voru með 2021 og/eða 2022, sem segir allt sem segja þarf um skemmtanagildi þrautarinnar.

Better You KB þrautin er frábært tækifæri fyrir vinahópa, fjölskyldur og vinnufélaga að takast saman á við fjölbreyttar, krefjandi og skemmtilegar þrautir í einstöku útivistarumhverfi Mosfellsbæjar. Þrautirnar verða á milli 20 og 30 talsins og hlaupið sjálft í kringum 10 kílómetra – við leyfum okkur að vera aðeins frjálsleg með skekkjumörkin 🙂

Verð: 8.000 kr fyrir fullorðna, 6.000 kr fyrir 12-16 ára. Þessi verð gilda út mars 2023 en þá hækka þau.

Skráning: Þú sendir tölvupóst á gudjon@kettlebells.is með nafni keppanda/nöfnum keppenda og kennitölu greiðanda/greiðenda. Einnig þarf að koma fram ósk um ráshópa (sjá neðan) og ef þið viljið tengjast einhverjum sem þegar eru skráðir. Við skráum ykkur í þrautina og sendum greiðsluseðla í heimabanka greiðanda. Greiðsla staðfestir skráninguna. Við vekjum athygli á að þátttökugjald fæst ekki endurgreitt en það er hægt að nafnabreyta þangað til viku fyrir þrautina.

Í dag (28. mars 2023) er skráningarstaðan eftirfarandi: